قاتل بريء...!

قد ايش سهل الحكي
سهل أني أتجاهل غصتي
وأمضي بطريقي في الحياة
لكن أوجاعي تشتكي!
من الجفا الهارب المنسي
وجروحي العطشى سكنها الخوف
من ظلمة البحر الهائج المالح
يا صاحبي ذبحني الظمأ
من وين أرتوي؟!
أبسالك وين أمضي؟!
والهلاك يصافح دربي
ونبضي الغافي بـ أقصى
خافقي يبكي على فرحي
ياصاحبي قد ايش سهل الحكي؟!
أتعب ولا أوصل نهاية قصتي
ويصفعني النسيان من مرقدي
أصحي خلاص شوفي النهار
اللي هروبك منه شوك ودمار
لاتفتحين شباك يأسك
خليه مقفول عن عابر
عن يتيم بكى لحظة مغادر
عن كل شيء غضي الطرف
لا تقبلين بشوق ولا تبعدين بصمت
خليك تايهه في هالحياة الشائكة
كنك غريب يمر ويترك أساه ويروح
يصفع قلوب ولا يحس!
ميت شعور وغيابه قصور
ينظم شعر وينثر حروف
تبهر قلوب اللي حوله تشوف
مسكين من ضيع قلب مشتريه
وهو جريح ويكابر بـ صمت شحيح
ما أقساه على نفسه ومن سكن قلبه
يظن لحظه أن العمر بيطول
وأن الزمن بيهديه قلب حنون
هيهات يا غريب...!
بعض القلوب ما تتكرر مرتين
مثل العمر لامر ما يعود
وبعض الحكي ما يفيد!
خلك كذا وربك يعين كلنا ضايعين
ومابين اليأس والرجى كلمتين
يا يصير اللي أبي أو تكون قاتل بريء...!

http://www.alraimedia.com/Article.aspx?id=457919&date=18082013

http://www.alraimedia.com/Resources/PdfPages/AlRAI/42648DA3-A311-4E3B-BCD6-8C06386A36E6/P20.pdf