أنقى من الغيمة

صورتي
Saudi Arabia
في زمن التلاشي غيماتي ممطرة.! كاتبة وأديبة سعودية.. أنثر حرفي في جريدة الرأي الكويتية أصدرت كتاب/مدائن الوجع كل ماأكتبه لي ولاأسمح بـإقتباسه.

19‏/08‏/2013

قاتل بريء...!



قد ايش سهل الحكي
سهل أني أتجاهل غصتي
وأمضي بطريقي في الحياة
لكن أوجاعي تشتكي!
من الجفا الهارب المنسي
وجروحي العطشى سكنها الخوف
من ظلمة البحر الهائج المالح
يا صاحبي ذبحني الظمأ
من وين أرتوي؟!
أبسالك وين أمضي؟!
والهلاك يصافح دربي
ونبضي الغافي بـ أقصى
خافقي يبكي على فرحي
ياصاحبي قد ايش سهل الحكي؟!
أتعب ولا أوصل نهاية قصتي
ويصفعني النسيان من مرقدي
أصحي خلاص شوفي النهار
اللي هروبك منه شوك ودمار
لاتفتحين شباك يأسك
خليه مقفول عن عابر
عن يتيم بكى لحظة مغادر
عن كل شيء غضي الطرف
لا تقبلين بشوق ولا تبعدين بصمت
خليك تايهه في هالحياة الشائكة
كنك غريب يمر ويترك أساه ويروح
يصفع قلوب ولا يحس!
ميت شعور وغيابه قصور
ينظم شعر وينثر حروف
تبهر قلوب اللي حوله تشوف
مسكين من ضيع قلب مشتريه
وهو جريح ويكابر بـ صمت شحيح
ما أقساه على نفسه ومن سكن قلبه
يظن لحظه أن العمر بيطول
وأن الزمن بيهديه قلب حنون
هيهات يا غريب...!
بعض القلوب ما تتكرر مرتين
مثل العمر لامر ما يعود
وبعض الحكي ما يفيد!
خلك كذا وربك يعين كلنا ضايعين
ومابين اليأس والرجى كلمتين
يا يصير اللي أبي أو تكون قاتل بريء...!


http://www.alraimedia.com/Article.aspx?id=457919&date=18082013

http://www.alraimedia.com/Resources/PdfPages/AlRAI/42648DA3-A311-4E3B-BCD6-8C06386A36E6/P20.pdf 

03‏/08‏/2013

يتيم الحظ..!

قالت لي رفيقة روح
تناسي همك وبكرا يروح
هي الدنيا متاهات وجروح
محد مرتاح يابنت الغيم
كثير طاله منها وجع أوضيم
وربك يا مشاعل أني تجاهلته
ورحت هناك بعيد عن ذكره ونزفه
لكنه ما رحمني لحظة من عناده
صفعني وألمني بقسوة إحساسه
قولي لي يامشاعل وين أروح؟!
وكل وجهه تحمل أسى وجروح
يتيم الوالدين مع الأيام يسلى
لكن يتيم الحظ وش علاجه ؟!
تعبت أطرد حظي العاثر
تعبت أرفعه للغيم ولا يمطر
تعبت أزرعه ود ولا يثمر
تعبت أقفل شباك ظنونه
وأفتح باب سعده و خيره
أيا حظي وش هو جرحك ؟!
وش تعاني وش وجع نزفك؟!
علي بس من قسى قلبك؟!
ترى ما بقى درب ولاسرته
لجل عينك مشيت الصعب ولانلته
وصلت لـ أخر حدود التعب ولاطلته
قصيرة هي خطاي لك وياما تعنت
بربك ياحظي العاثر وش أسوي؟!
عطيتك كل ماأملك من صبر وقوه
لين تهت من الضياع في انتظار فجرك
شحيحه هي أرضك وسماك ما بها غيمه
وأنا عطشى ولا عاد ترويني ظنونك
أيا حظي نخيتك إن كان فيك شيمه
تجمل بي وشف لي حل مع قصورك
وعثراتك وجفى فرحك وخيباتك.



http://www.alraimedia.com/Article.aspx?id=454177&date=30072013


http://www.alraimedia.com/Resources/PdfPages/AlRAI/3FE51072-E658-4208-8A0A-A9B47B1541FF/P53.pdf