يتيم الحظ..!

قالت لي رفيقة روح
تناسي همك وبكرا يروح
هي الدنيا متاهات وجروح
محد مرتاح يابنت الغيم
كثير طاله منها وجع أوضيم
وربك يا مشاعل أني تجاهلته
ورحت هناك بعيد عن ذكره ونزفه
لكنه ما رحمني لحظة من عناده
صفعني وألمني بقسوة إحساسه
قولي لي يامشاعل وين أروح؟!
وكل وجهه تحمل أسى وجروح
يتيم الوالدين مع الأيام يسلى
لكن يتيم الحظ وش علاجه ؟!
تعبت أطرد حظي العاثر
تعبت أرفعه للغيم ولا يمطر
تعبت أزرعه ود ولا يثمر
تعبت أقفل شباك ظنونه
وأفتح باب سعده و خيره
أيا حظي وش هو جرحك ؟!
وش تعاني وش وجع نزفك؟!
علي بس من قسى قلبك؟!
ترى ما بقى درب ولاسرته
لجل عينك مشيت الصعب ولانلته
وصلت لـ أخر حدود التعب ولاطلته
قصيرة هي خطاي لك وياما تعنت
بربك ياحظي العاثر وش أسوي؟!
عطيتك كل ماأملك من صبر وقوه
لين تهت من الضياع في انتظار فجرك
شحيحه هي أرضك وسماك ما بها غيمه
وأنا عطشى ولا عاد ترويني ظنونك
أيا حظي نخيتك إن كان فيك شيمه
تجمل بي وشف لي حل مع قصورك
وعثراتك وجفى فرحك وخيباتك.


http://www.alraimedia.com/Article.aspx?id=454177&date=30072013


http://www.alraimedia.com/Resources/PdfPages/AlRAI/3FE51072-E658-4208-8A0A-A9B47B1541FF/P53.pdf