يكفيني من الدنيا...!

 

   الله يصبرني كثر ماتألمت
والله يكافئني على صبر السنين ووجعها
عانيت ثم عانيت ثم عانيت
من هموم الليالي ومر كدرها
ماذقت من حلوها إلا فتات من عسرها
شرقت بوجهي وغربت
ويمين ويسار مشيت وتغربت
وطرقت دروب المعاناة بيت بعد بيت
بيت ضعيف وبيت كسير وعنهم أقفيت
عزتي هي رأس مالي وعنها ماتخليت
ومشيت بدروب الحياة وللدمع أخفيت
و يوم مل مني الصبر وللبوح أزريت
نخيت قلبك وبكل إحساسك أقبلت
فتحت لي بابك وأكرمتني ضيف
ضيف عزيز وماهو عابر أوبعض زيف
قهويتني حبك ومامنه أرتويت
وأسقيتني شوقك وبقربك أهتنيت
نسيتني أيام العنا وظمأ الشقا وعبراتي هليت
هليتها يوم صفقت بوجهي أبواب الفرج واحد بعد بيت
واليوم ماهمني لو زارني الموت ورحلت
يكفيني من الدنيا ملكت إحساس صادق
أسكنته الخافق ولدروبه تعنيت
ياروح الحياة أنت يابعد قلب مغليك
عسى السعاده ماتفارق نواحيك
وتعانق دروبك وتسكن خطاويك
وعسى الولي يحفظك لعيون ترجيك
وعساني أهتني بك قرب ووصل وبيت

http://www.alraimedia.com/Alrai/Article.aspx?id=353850&date=27052012 

http://www.alraimedia.com/Resources/PdfPages/AlRAI/4618FA8B-DCFE-4820-ABE8-582DB40E34CB/P27.pdf 

عنى هالدنيا من دونك ... !

يبه شمسك ماعاد لها إشراق
ولكن وهج نورك أشوفه هناك
باقي في زاويا مجلسك
وضحكتك مافارقت عيني
يبه وش اللي راح منك ووش الباقي؟!
غبت بجسدك وروحك تحاكيني
أشوفك كل ليله حلم وأقبل إيدينك
وأغرق بصمت بحروفك وتعابيرك
وخطك الطاهر المنثورعلى بياض
أوراقك حيل حيل حيل يبكيني
يبه حزينه أيامي بغيابك
يبه هالدنيا باتت تعنيني
وش أحكي لك؟
وش أشكي لك؟
خذاك الموت من دنياي وأنا طفله
وغبت عن عيني وبقى طيفك وظله
ماأنسى يوم بكت أمي وأنا وجله
ومذهوله ومصدومه ومندهشه
وش اللي صار وش تحكين ياعمه ؟!
تعالي خبريني ليه أمي مغتمه ؟!
وليه عيونك بالدموع مغترقه ؟!
يبه من يومها صارت الدنيا بعيني معتمه
وصرت أشوف حزني يكبر معي
ويوقف لي على الزله !
وغابت فرحتي والسنين عجاف
ومارحمت طفلة مهتمه
تبي تشوف الفرح يعانق دربها ويسهل لها اللمه
يبه سنين فراقك كثيره وعليك ملايين من الرحمه
يبه أبد مانسيتك وماسهى قلبي عن ذكراك في كل حزه
يبه عسى قبرك رياض ونفحات من رحمه
يبه عسى مثواك فردوس في أعالي الجنه

http://www.alraimedia.com/Alrai/Article.aspx?id=352223&date=20052012

http://www.alraimedia.com/Resources/PdfPages/AlRAI/426D50AE-E71C-43F2-8483-5C9DED322BB5/P31.pdf

يا ضنيني...!

 

 يا وجودي يامسافات اغترابي
ياسليل العز ياصواب اختياري
يا هنى أيامي ياأنت ياذاتي
يانقاء الصدق يااعتزازي
يا سماء عشقي ياارتوائي
يامطر عمري ياعطائي
العطاء ماهو حضورك...!
العطاء هو كثيرك
هو أقصى خفوقك
ولهفة العشق وارتباكك
هو لاغبت تصرخ بدروبي وينك
وتنزف حروف شعرك من قصيد اشتياقك
هو لاسرحت تلاقني طيف وله في خيالك
وحقيقة عشق صادق يرتسم في كيانك
يارضى أيامي أبيك
لاتراجعت بخطواتي ورى تنتشلني
وتثبت خطاي بثباتك وتسند من عزومي
وتنثرالورد بيدي وتجلي الشوك عن طريقي
وتزرع الخير في محطات اغترابي
وتنزع الحزن والعنى والهم من سنيني
وتلبسني أمانك سوار يزين يميني
وتشهر سلاح الكلمة في وجه عدواني وتنتشي بي
يارضى أيامي أبيك
لا شهقت باسمك يحترق عذالي من شموخك وماهم طايليني
ولاصرخت من خوفي تعتني بي وبسهوم يمكن تجتزعني
ولاغفيت تحرسني بعينك وتمسح الدمعة لافزعتني
وما أبيك تهديني النجمات وفراشات السعادة وتقبل جبيني
لاني ياضنيني رابحة في غلاك وبعطاك اللي محتويني

http://www.alraimedia.com/Alrai/pdfs.aspx?date=06052012 

http://www.alraimedia.com/Resources/PdfPages/AlRAI/45C52381-409C-4096-BD99-E33EFAEACD94/P30.pdf