متى أكبر..؟!

مواقف هالحياة دروس
وخبرات منها نتعلم ونتألم
صفع حزني موقف عابر
في يوم اشتدت به الضيقة
مضى بي في درب يتأمل به العالم
لمحت طفلة ورى الشباك
في بيت صغير ومتهالك
يتيمة أب وفقيرة حظ
لمحت في عينها دمعة
كسيره نظرتها حزينة
تبي تشكي تبي تبكي
لكن وجعها فوق طاقتها
تتأمل تفاصيل دميتها
وتتحسس أطراف ظفايرها
سارحة وغارقة تفكر
وتتمتم بحروف وتترنم
متى أكبر..!؟
وأروح للمدرسة بدري
ويكون عندي دفتر ومرسم
وعلبة ألوان تخصني وحدي
متى أكبر..!؟
وأصير مثل أمي
ألبس شيلة وأحط كحلة
متى أكبر..؟!
وأروح فوق للجنة
أشوف أبوي وألمه
خجل حزني منها وسلم
وردد بداخله الأاااه وتألم
ياربي حلي دنياها
وأكرمها بحياة ماتعنيها
وغيم الفرح يمطر سماها
ويملأها خير مالمداه أخر
وجمل حزني الغابر
بمنفى يشبه النسيان
وغربة كنها عابر
يحن لموطنه ومرباه
ويودعني وداع مامعه رجعه
ويحررني من قيده واسمه

http://www.alraimedia.com/Article.aspx?id=426881&date=09042013

http://www.alraimedia.com/Resources/PdfPages/AlRAI/C04192FC-F080-4C25-B9A1-0BE9F06349D1/P26.pdf