أنقى من الغيمة

صورتي
Saudi Arabia
في زمن التلاشي غيماتي ممطرة.! كاتبة وأديبة سعودية.. أنثر حرفي في جريدة الرأي الكويتية أصدرت كتاب/مدائن الوجع كل ماأكتبه لي ولاأسمح بـإقتباسه.

23‏/02‏/2015

أنا أفداك..!



تدري كثير أشتقت لك

ياللي أحبك فوق هالناس

وكثر ماحكوا

وكثر مافي قلوبهم

من صدود ويأس!

أحبك من أقصى المحاني

لين آخر مدى في هالدنيا

أحبك فوق تصويرك

وظنون البشر

وكثر ماقلت لك

هالدنيا عنى من دون

حسك وطاريك

ياأغلى من حنيني

ياوجع قلبي وأنيني

تعال أنا أفداك

وربك ما يليق الحزن بعيونك

تعال أشيلك بقلبي

وهمك غايتي أمحيه

وما أحزنك في دنياك

أبي أنفيه

لـ آخر الدنيا

وروحي لك فدوه

ونبضي اليتيم لك غنوه

بس طلبتك لاتشقى

ولاتعنيك هموم مالها آخر

هي الدنيا كذا سيل من الأحزان

خوف وجرح وبعض حرمان

تمسيك بحال وتصبحك بحال

هي أقدار مالنا عليها سلطان

علينا الرضى فيها بلا نقصان.

يازهر عمري وأيامي

تعال أنا أفداك.


ليست هناك تعليقات: