أنقى من الغيمة

صورتي
Saudi Arabia
في زمن التلاشي غيماتي ممطرة.! كاتبة وأديبة سعودية.. أنثر حرفي في جريدة الرأي الكويتية أصدرت كتاب/مدائن الوجع كل ماأكتبه لي ولاأسمح بـإقتباسه.

05‏/08‏/2014

ترفق بي..!


أنا فبابك

ترفق بي

ترى مو هالجسد وحده تعب

ولا حتى التعب وحده تعب

أنا كل اللي فيني قلب

تسارع فيه نبضاته

وتعور بي من أسبابك

أنا فبابك

ترفق بي

ترى رأس مال المحب خفقاته

وبعض هقوات وشوية أماني

وخفوق حزين ماهج أبوابه!

يشوف الحياة بعيون ماتبصر

زلات الحبيب وهفواته!

أنا فبابك

ترفق بي

ترى ماأقوى على

عزف الذكريات

وسهاد السهر

وغفوات الحنين

ورصيف اللوم

اللي أتعبني مجلساه

أنا فبابك

ترفق بي

ترى ما بقى فيني عتب

مات وودعته مع إحساسه

وتلاشت طيور أسرابه

في سما الغياب

وراحت بلا رجعة

في ذمة رب أوجاعه.


ليست هناك تعليقات: