ياكثرها الأشياء اللي تخنقك
ويا كثر الأسى اللي سكن ملامحك
وياكثر الناس اللي حولك
لكن ماتحس بك!
هذا من خلفك يطعنك
وهو في وجهك يمدحك
وهذاك همه في الحياة يحسدك
وذاك من بعيد يغتابك!
وكثير منهم زعلان بليا سبب
وقليل من هو يبتسم لك راضي عليك
ونادر من هو يحبك ويحفظك
ويا كثرها الصعاب اللي تواجهك وتكسرك
وأصعب شيء في هالحياة أنك تثق!
تثق في قلبك وتخونك دقاته
تثق في قلبه ويخنقك بسكاته
وأصعب شيء في هالحياة أنك تخاف!
خوفك من شيء يكسرك
خوفك من شيء يقهرك
وأصعب شيء في هالحياة إنك تحس!
تحس بكل الأشياء اللي تئن!
من بشر وفتات وأماكن وزوايا
وأصعب شيء في الحياة إنك تكون إنسان!
إنسان ضميره حي في عالم ميت
إنسان مايضيع مبدأه لوعلى موته
وأصعب شيء في هالحياة إنك تحب!
تحب من قلب وبليا مصلحة
تحب بصدق ومن دون زيف
وأصعب شيء في هالحياة إنك تكون أنت
أنت ولاغيرك في عالم متناقض
أنت بكل عيوبك لاناقص لاكامل
وأصعب شيء في هالحياة إنك تعيش
تعيش بسلام ودون خوف من باكر
تعيش في حالك آمن ومالك بغيرك!
