وداعك عيد…!

وش أكتب لك

وأنا منك خاطري مجروح؟!

وش أعزف لك

وأنا غصتي منك تنوح؟!

تبي أغني لك وأعزف لك

مواويل تشبه طعونك؟!

تبي أكتبك نثر وشعر

وأهدي حرفي لعيونك؟!

أبشرك ياجافي..

أنا ما عاد فيني غيم يمطر لك

ولاعاد لي قلب ينبض بك!

زرعت في دروبي شوك

وأدميت خفوق مجنونك

بخلي مابقى منك للحياة وطعونك!

وبمشي في درب نواياه ماتشبه ظنونك!

وداعك عيد أبشر فيه عذالك

وأقهويهم فناجيل خذلانك

وأخبرهم أن الحياة أوطان

بعضها شامخ وامن

وبعضها من موقف وينهار

ويغيب مع شمس النهار

وشروقه أبد مايصير

كما الزجاج إذا كسر

محال يرجع لوضعه

خلاص.. أبي الخلاص

من همك ومن قيدك

أبي أحلامي تجي واقع

تعبت أرسمها وألونها

تعبت أحكيها أماني

أيا حظي السيئ

ما ودك تغادر؟!

وطيور عثراتك

معك تهاجر!

http://www.alraimedia.com/Articles.aspx?id=510035

http://www.alraimedia.com/UI/PDF.aspx?i=12762&p=36