وش أطنش....؟!

وش أطنش وش أخلي؟!
بشر تدور الزلة
وعالم عايش بغفلة
ودنيا مالها صاحب
تصبحك بحال وتمسيك بهموم مغتمه
وكثير أشياء مالها ذمه
وش أطنش وش أخلي؟!
ناس خاب فيها الظن
وناس بلا احساس
وناس تهديك الهم بلا مقياس
وناس تدور الزلة على الانفاس
وقليل اللي يحبك بلا مصلوح
ويجنبك دروب الشقا والخوف
ويهدي لك من أيامه نبض واحساس
وش أطنش وش أخلي؟!
مشاعر الصدق حثها عاثر
وبعضها قيدها حيل أسر
وبعضها مثل حلم عابر
يتيم فرحة دايم مهاجر
وش أطنش وش أخلي؟!
دروب هالحياة صخبها يغني
أحد على حزنه يوني
وأحد لجرح غيره مهلي
وأحد مغيب عن الواقع مهاجر
في غربته وطن وبمنفاه أمن!
وش أطنش وش أخلي؟!
حتى الحروف صارت تشكي
من قساوة زمن حدها تكذب وتخبي
وصار القلم خاين يتبع فكر وهوى هايم
ويقول معذور انا واقعكم حيل مزري
واللوم على بعض العقول اللي على المر حدتني
رمت بي على الزيف ودروب الكذب دلتني
بالله خبروني وش أطنش بس وش أخلي؟!

http://www.alraimedia.com/Article.aspx?id=466461&date=25092013

http://www.alraimedia.com/Resources/PdfPages/AlRAI/BF95DEBF-4C1D-4CC0-AE2C-2881FD25AF75/P29.pdf