على طاري السهر...!

على طاري السهر وينك؟
باقي صاحي ولاغفت عينك؟!
ورحت غارق بـ أحلامك
وهارب من شقى دنياك
على طاري السهر يامعنيني
ياسارق من عيوني الغفوه
ترى والله ماخابت فيك الهقوه
نخيتك مانخيت رخوم
ولذت بحماك من أوجاعي
وصرخت في غيابك أنا ويني؟!
تاهت في دروبه عناويني!
على طاري السهر يا أنت
ماملت من الجفى عينك؟!
معلقني في جفون السهد
تعبت يدي من مصافح نجوم الليل
وربك كلها أشواك تدميني
وأنت غارق بهمك وناسيني
على طاري السهر ياأنت
كتبت في سطور الحياة كتاب
وخطيتك شعور مانثرته لغيرك
وعليتك غيوم في سماء عشقي
ماطالها مخلوق سوى قليبك
وعلى طاري السهر يامعنيني
تبقى أنت الأجمل في ذرى حرفي
تغوص بين المعاني ولايكفي
ويشفع لك نقاؤك في زمان الزيف
وتجملك سيره فعولك بها تترنم
كريم خوالك طيبهم ماينقاس
وربي لو فنيت العمر لك محبه بلا مقياس
قليله هي بحقك ياأعز الناس
وعلى طاري السهر ياغلا دنياي
رغم تقصيرك تظل أنت رفيق العمر
ولايسعد خفوقي سوى مصافح يدينك


http://www.alraimedia.com/Article.aspx?id=447942&date=03072013


http://www.alraimedia.com/Resources/PdfPages/AlRAI/F4B93477-6150-458F-8104-E190EC824802/P34.pdf