كريم من عطايا الله...!

هلا بخير الشهور
ولياليه وساعاته
وثوانيه ولحظاته
ونبض دقاته...
هلا باللي ذكره يشرح خواطرنا
وحضوره تباشير تسعد خطاوينا
هلا بك من أقصى الخفوق
لين مصافح نورك وروعة أيامك
هلا بك خير يروي قلوبنا العطشى
هلا بك غيم يمطر أوقاتنا الغرقى
هلا بك نور نبصر به ظلام الدروب
هلا بك شمل يجمع شتات فرقتنا
وينسينا هموم الحياة
وغصات الوجع
وكل ما يثقل كواهلنا
ولا لنا فيه حيلة ولاطاقه
هلا بك ضيف وحنا لك بيوت ومضيافك
صيام وصلاة ودعوات ورحبة أفاقك
كريم من عطايا الله وماتوا غيض حسادك
وقفوا على باب الثلاثين من شعبان
وصفدهم رب الرحمات لين تكمل أيامك
وش أجمل من لياليك وسكينة وقارك
وش أعظم من خير نبذله فيك وأجر نناله
وش أنقى من ساعات نهارك وتلاواتك
وش أجمل من فطورك وفرحتنا بـ إتمامك
وش أعظم من قيامك بخشوع ماله نهايه
وش أنقى من سحورك ونية صيامك؟!
إلا يارب رمضان تمم لنا كل أيامه
وإعنا على صيامه وقيامه وإكرامه
وأختمه لنا بصالح الأعمال
ولاتحرمنا رحمتك وعفوك وغفرانك.

http://www.alraimedia.com/Article.aspx?id=450265&date=12072013

 http://www.alraimedia.com/Resources/PdfPages/AlRAI/9383CF2A-37CC-445D-AF92-A270C279F33D/P12.pdf