يا أنت .. ياماضي وحاضر
ياشيء يشبه ضياء هالشمس
عندك خبر انك وهج عمري وضيه
يا فرحة اليوم وما مضى والأمس
عندك خبر أنك ربيع قلبي وفيه
يا أنت .. يابحر من مسافه
دونك عطش غص بجفافه
تأخر الوقت ما جابك
ولا الغياب واقف على بابك
يا للي حضورك غيم
يملأ سماي بديم
يروي عطش روحي
ويمدد حبر بوحي
أنت النظر والشوف
وأنت الأمان والخوف
منك أشتكي لك منك
وأنثر عناي حروف
ماأصعب غيابك
كنه شقى باكر
أعيشه بحاضر
أتأمل الأيام
وتنساني لياليها
تطويني الأحزان
وأعانق أمانيها
أمشي الى المجهول
وخطواتي يسكنها ذهول
وأمضي الى الأقدار حيث تكون
والحنين طفل بداخلي يبكي كل حين
يصحي اللي بات من ماضي السنين
كل الأماكن يمرها ويزرع بها غصة أنين
متوصي ووافي حيل للجرح الدفين
والحال في غيابك مايسر أعداءك
كنه ليلة شتاء ماسكنها غير الشقاء
ومابقى إلا شتات وتيه ماتكتبه أقلام
يستعصي النبض نثره على الأوراق
وحلم يتيم سكنه العتاب
رأس ماله طول باله وصبره
يوم حضرة جنابك طواه الغياب .
http://www.alraimedia.com/Article.aspx?id=420617&date=14032013
http://www.alraimedia.com/Resources/PdfPages/AlRAI/3487B0C5-7F1D-4258-B960-D97903535200/P28.pdf
في دروب الانتظار
صرخت بشبيهك
انت وينك
قمت أشوف الناس انت
يا جفاك... انت وينك
ما كفاك أني أحتريك
وكل لهفة بخاطري
تنتظر مصافح يديك
وانت تسرف بالغياب
وما تبي طاري العتاب
يا قساك...
ويا وجع انتظاري
المسافة تشهد احتضاري
والرجوع وين الطريق
تاهت فيني الدروب
وصرت ألمح في وجيه العابرين
خيبات وحزن وضحكات الأنين
ومضى هالعمر انتظار
يتلحف البرد وليله يطول
وما ينول إلا سراب
يلمحه من بعيد
ويصافحه فجر جديد
ويبقى مع حزنه وحيد
ويغفى وفي عينه دمع عنيد
ويا انتظار المسافة
ويا وجع هالرجوع
ما بقى في الوقت
وقت للأسى والخضوع
مل الصبر من صبري
واشتكيت وبكيت
وهلت عبرتي وحكيت
وما لقيت لصوتي صدى
غير حزن يصرخ بي كفى
وحرف ينزف الدمعة ألم
وقلم حاير بين السطور
يتأمل ويكتب في ذهول
وش نهاية هالأسى؟!
إلا وش بداية هالقسى؟!
درب موجع
وسكة انتظار
وزهر يذبل
ولحظات انكسار
ووقت وعمر ما يعود
وديمة تتلاشى وما تجود
وخيبات تتوالى وبـ ازدياد
كنها عاذل وقلب حسود
وأشياء صعب تنحكى
من قساها تبكي الصخر الجمود.
http://www.alraimedia.com/Article.aspx?id=419412&date=09032013
http://www.alraimedia.com/Resources/PdfPages/AlRAI/03849574-C0D9-4159-80F6-93A658EC40D2/P15.pdf
